خرجت الممثلة اللبنانية نادين الراسي عن صمتها وصرحت لأول مرة بعد وفاة شقيقها الفنان اللبناني جورج الراسي على إثر تعرضه لحادث سير مروع ليل أول من أمس على طريق المصنع. ومن خلال تسجيل صوتي خاص لموقع “الجرس”، قالت الراسي:”خي جورج إنقتل، قتلولي خي، مين مسؤول عن هيدي الطريق، كيف تاركينا هيك، جورج بسوف، جورج شوفير، وجورج قلبوا قوي”.وأضافت الراسي متوجهة للإعلامية نضال الأحمدية بالقول:”خي إنقتل يا نضال من ورا وزير الأشغال، من ورا ما في إضاءة عالطرقات، جورج إنقتل”.وتابعت نادين عن سبب وفاة شقيقها:”طقت رقبتوا على السرعة وفات الدركسيون بصدره، وزينة رفيقته نفس الشي، هيدا قتل ومنو حادث”. وأكملت:”جورج ما بروح فطيس ولا بروح رخيص، دم جورج ما بروح هيك لو بدها تكلفني عمري، بدي إرفع دعوى على وزير الأشغال وعلى كل شخص له يد بهذا الموضوع، وإذا القضاء ما أخدلي حقي كالعادة دم جورج الراسي ما بروح هدر”. وأضافت:”والله يا نضال بحرقلوا قلبو لوزير الأشغال وهيدي مسجلة عندك لأن حرق قلب أمي على جورج، بدي فوت عالحبس؟ ايه آكلة شاربة نايمة ما بدي شي، بدي دم خي ما يروح هيك”.
??خدمة الخبر العاجل??
